ਭਾਰਤੀ ਰੁਪਏ ਦੀ ਕੀਮਤ ਹੋਰ ਡਿੱਗੀ, ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਸਭ ਤੋਂ ਵੱਡੀ ਗਿਰਾਵਟ

ਭਾਰਤ ਦੇ ਰੁਪਏ ਦੀ ਕੀਮਤ ਡਾਲਰ ਦੇ ਮੁਕਾਬਲੇ ਹੋਰ ਹੇਠਾਂ ਡਿੱਗੀ ਹੈ। ਅੱਜ 21 ਜਨਵਰੀ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿਚ ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਿਆ 31 ਪੈਸੇ ਟੁੱਟ ਕੇ 91 ਰੁਪਏ 28 ਪੈਸੇ ਪਹੁੰਚ ਗਿਆ, ਜੋ ਹੁਣ ਤੱਕ ਦੇ ਸਭ ਤੋਂ ਹੇਠਲੇ ਪੱਧਰ ਉਤੇ ਪਹੁੰਚਿਆ ਹੈ। ਇਹ ਪਹਿਲੀ ਵਾਰ ਹੋਇਆ ਕਿ ਜਦੋਂ ਭਾਰਤੀ ਰੁਪਿਆ 91 ਰੁਪਏ ਦੇ ਪੱਧਰ ਤੋਂ ਉਪਰ ਚਲਿਆ ਗਿਆ।

ਅੱਜ ਵਿਦੇਸ਼ ਮੁਦਰਾ ਵਾਪਾਰ ਬਾਜ਼ਾਰ ਖੁਲ੍ਹਿਆ ਤਾਂ ਡਾਲਰ ਦੇ ਮੁਕਾਬਲੇ ਭਾਰਤੀ ਰੁਪਏ ਦੀ ਕੀਮਤ 91 ਰੁਪਏ 5 ਪੈਸੇ ਉਤੇ ਸੀ, ਪ੍ਰੰਤੂ ਕੁਝ ਹੀ ਸਮੇਂ ਵਿਚ ਹੋਰ ਡਿੱਗ ਕੇ 91 ਰੁਪਏ 28 ਪੈਸੇ ਉਤੇ ਪਹੁੰਚ ਗਿਆ। ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਰੁਪਿਆ ਦਾ ਰਿਕਾਰਡ ਹੇਠਲੇ ਪੱਧਰ ਉਤੇ 90 ਰੁਪਏ 97 ਪੈਸੇ ਉਤੇ ਬੰਦ ਹੋਇਆ ਸੀ।